Muling ipinaalala ng Land Transportation Franchising and Regulatory Board ang pagsuspinde sa lahat ng biyahe ng mga bus at truck papuntang Visayas at Mindanao dahil kay bagyong Pepito.
Partikular dito ang mga sasakyan na dumadaan sa Matnog Port at iba pang lugar sa Bicol Region na maaapektuhan ng bagyo.
Layon nito na maiwasan ang buildup ng mga stranded na pasahero sa Maharlika Highway at iba pang pangunahing kalsada sa rehiyon.
Payo pa ng LTFRB sa mga operators na magpatupad ng precautionary measures upang matiyak ang kaligtasan ng mga pasahero.
May ganito ring kahalintulad na anunsyo ang Land Transportation Office.
Mas maigi umano para sa mga pasahero na ipagpaliban muna ang kanilang biyahe at manatili sa kanilang tahanan hanggang maging maayos na ang panahon. | ulat ni Rey Ferrer
