Inanunsyo na ngayon ng Social Security System (SSS) ang iskedyul para sa nakatakdang pamamahagi ng “13th Month Pay” para sa mga pensioner nito.
Ayon sa SSS, sabay nang matatanggap ng mga pensioner ang kanilang 13th Month Pay na katumbas ng isang buwan na pensyon at kanila pang pensyon para sa buwan ng Disyembre.
Sa December 1, inaasahan ang 13th Month ng mga SSS pensioner na tumatanggap ng pension mula a-uno hanggang a-kinse ng buwan habang sa December 4 naman ang pagpasok ng mga may 16 hanggang 31 na contingency date.
Para naman sa pensioners na nag-avail ng advance 18 months, ito ay matatanggap sa December habang sa December 16 naman ang para sa naipong pension dahil sa non-compliance sa Annual Confirmation of Pensioners (ACOP). | ulat ni Merry Ann Bastasa
