Umakyat ng 2.7 percent ang personal remittance para sa buwan ng Oktubre 2024.
Ayon sa Bangko Sentral ng Pilipinas, nasa $3.42-billion ang October remittance, mas mataas kumpara sa $3.33-billion noong parehas na panahon ng 2023.
Ang paglago ng remittance ay mula sa land-based at sea-based workers.
Umaabot sa $3.08-billion ang cash remittance na idinaan sa bangko mula sa $3-billion noong October 2023.
Ang mataas na cash remittance ay mula sa bansang United States, Saudi Arabia, Singapore, at United Arab Emirates habang ang Amerika naman ang may largest share ng overall remittance mula January to October sinundan ng Singapore at Saudi Arabia.
Base sa datos ng Central Bank, bagamat may pagtaas ng remittance ang rate ng paglago
ay maituturing na pinakamahina ngayong taon at ito ang unang pagkakataon sa apat na buwan na ang paglago ay bumaba sa 3%. | ulat ni Melany Valdoz-Reyes
