Ititigil na ng Department of Foreign Affairs (DFA) ang operasyon ng dalawang Temporary Off-site Passport Services o TOPS nito sa Taguig City.
Ayon sa DFA Office of Consular Affairs, magsasara ang TOPS sa DoubleDragon Plaza at Uptown Mall sa Taguig simula ika-31 ng Disyembre, 2024.
Ang mga apektadong aplikante mula sa nasabing mga pasilidad ay maaaring magtungo sa DFA-OCA Aseana sa Parañaque City, simula ika-23 ng Disyembre, mula 8:00 AM hanggang 4:00 PM, Lunes hanggang Biyernes, maliban kung pista opisyal, o may anunsyo ng suspensyon ng trabaho.
Para sa karagdagang impormasyon o agarang mga tanong, maaaring makipag-ugnayan sa DFA, sa pamamagitan ng email na [email protected] o [email protected]. | ulat ni EJ Lazaro
