Pinag-iingat ng Department of Social Welfare and Development (DSWD) ang publiko kaugnay sa panibagong online scam na ginagamit na naman ang pangalan ng ahensya.
Kaugnay ito ng kumakalat na online link na nagsasabing makatatanggap ng Christmas gift na nagkakahalagang ₱7,000 mula sa DSWD ang sinumang sasagot sa isang survey questionnaire.
Giit ng ahensya, hindi sila dapat na magpaloko dito dahil ito wala itong katotohanan.
Pinapaalalahanan ang publiko na mag-ingat at huwag magpalinlang sa mga posts o link na hindi mula sa opisyal na Facebook page ng DSWD upang maiwasang mabiktima ng scam.
Kaugnay nito, hinikayat din ang sinumang makakita ng mga kahina-hinalang post o mensahe na agad itong i-report sa official communication channels ng DSWD. | ulat ni Merry Ann Bastasa
