Binatikos ni National Security Adviser Eduardo Año ang Communist Party of the Philippines-New People’s Army-National Democratic Front (CPP-NPA-NDF) sa kanilang pahayag na walang magaganap na holiday truce.
Ayon kay Año, nagpapakita lamang ito ng patuloy nilang pagsuporta sa karahasan at armadong pakikibaka.
Dagdag pa ni Año, walang saysay ang nasabing deklarasyon dahil lubos nang humina ang puwersa ng CPP-NPA-NDF.
Aniya, limitado na lamang ang kanilang operasyon sa iisang guerrilla front, dahilan upang hindi na sila makapagsagawa ng malalaking operasyon laban sa pwersa ng pamahalaan o makapag-recruit ng bagong mga miyembro.
Nanawagan naman si Año sa publiko na magkaisa sa pagtutol sa karahasan at suportahan ang mga programang nagtataguyod ng kapayapaan at kaunlaran.
Tiniyak din ni Año na magpapatuloy ang mga military operation upang tuluyang puksain ang nalalabing puwersa ng CPP-NPA-NDF at tiyakin ang mapayapa at maayos na pagdiriwang ng holiday season. | ulat ni Diane Lear
