Inabisuhan ng Lokal na Pamahalaan ng Quezon City ang mga motorista hinggil sa inaasahang pagbigat ng trapiko sa Elliptical Road.
Ito ay dahil sa isasagawang “Quezon City Countdown to 2025” sa Quezon Memorial Circle bukas.
Batay sa abiso, ang New Year’s Eve countdown ay magsisimula ng alas-4 ng hapon kung saan mapapanood ang ilang kilalang mga banda gaya ng Ben&Ben, Kamikazee, Gloc9, si Ely Buendia, at iba pa.
Ayon sa QC LGU, nakahanda ang mga tauhan ng Traffic and Transport Management Department, Department of Public Order and Safety, at Quezon City Police District upang tumulong sa pagmamando ng trapiko sa naturang lugar.
Pinapayuhan ng awtoridad ang mga motorista na gumamit ng alternatibong ruta upang makaiwas sa abala.| ulat ni Diane Lear
