Muling nagsagawa ng taunang Year-End Party ang Department of Social Welfare and Development (DSWD) sa iba’t ibang Centers and Residential Care Facilities (CRCFs) sa bansa.
Ito ay upang magbigay ng saya at ngiti sa mga residente at kinukupkop ng mga CRCF ng DSWD.
Ayon sa DSWD, sa simpleng selebrasyong ito, nakatanggap din ng regalo ang mga residente para mas maipadama sa kanila ang diwa ng Pasko.
Sa DSWD-NCR, sabay-sabay na nagsagawa ng Christmas Party ang Marillac Hills—National Training for Girls; Haven for Children, at Ina Healing Center.
Ang CRCF ay isa sa mga programa ng DSWD na nagsisilbing ligtas na tahanan para sa mga vulnerable at disadvantaged na mga kabataan, kababaihan, senior citizens, persons with disability, at iba pang mga indibidwal at pamilyang dumaranas ng krisis. | ulat ni Merry Ann Bastasa
