Dapat alalahanin ng mga Pilipino ang mga sakripisyong ginawa ni Gat. Jose Rizal sa pagtataguyod ng pagmamahal at pagtatanggol sa soberanya ng bansa.
Ito ang mensahe ng Department of National Defense (DND) kasabay ng paggunita ng sambayanang Pilipino sa ika-128 Rizal Day ngayong araw.
Ayon sa kagawaran, tularan nawa ng bawat Pilipino ang ipinakitang tapang, karunungan at walang pasubaling pagmamahal sa bayan ni Rizal.
Maisabuhay din nawa ng mga Pilipino ang tema ng okasyon para sa taong ito na Rizal sa Bagong Pilipinas: Buhay at Aral, ating nilalandas. | ulat ni Jaymark Dagala
