Agad nabura ang naitalang record ng Parañaque Integrated Terminal Exchange (PITX) nitong weekend pagdating sa dami ng bilang ng pasahero na pumunta sa kanilang terminal.
Sa pinakahuling tala ng PITX kaninang alas-12 ng madaling araw umabot ang kabuuang bilang para sa December 23, 2024 sa 232,974.
Ayon kay Jayson Salvador ang head ng PITX Corporate Affairs and Government Relations, ito na ang pinakamataas na bilang ng dagsa ng pasahero sa kanilang terminal simula nang magbukas ito noong 2018.
Nitong Linggo lang, naitala ng PITX ang unang record breaking numbers na 229,802.
Paliwanag ng PITX, maganda ang nasabing numero dahil patunay anila ito na malaking pakinabang para sa mga pasahero ang naturang terminal. | ulat ni Lorenz Tanjoco
