Inihain ni Batangas Representative Gerville Luistro ang House Bill 11048 na layong gawing isang regular na programa ng pamahalaan ang Ayuda sa Kapos ang Kita Program o AKAP.
Sa paraan aniyang ito, masisiguro na tuloy-tuloy ang implimentasyon ng programa gayundin ang pagpopondo nito.
Sakaling maisabatas, ipatutupad ang AKAP sa pamamagitan ng Department of Social Welfare and Development (DSWD) at local government units.
Kung DSWD, maaaari makakuha ang benepisyaryo ng food, medical, funeral, o cash relief assistance.
“In cash” ibibigay kung ang halaga ay nasa ₱5,000 hanggang ₱15,000 at sa pamamagitan naman ng guarantee letter kung higit pa.
Kapag ang LGU naman ang magpapatupad, tatawagin itong rice assistance.
Ang halaga ng tulong at kalahati ng presyo ng 25 kilos ng bigas.
Pangunahing nais tulungan ng AKAP ang mga minimum wage earners o mga nasa “low income. | ulat ni Kathleen Jean Forbes
