Nanawagan Ngayon si Pangulong Ferdinand R. Marcos Jr. sa mga Pilipino na tangkilikin ang ginaganap ngayong Metro Manila Film Festival (MMFF).
Sa mensahe ng Pangulo ay ginarantiya nito na ang mga magagandang pelikulang kalahok sa Golden Year ng MMFF ay siguradong magbibigay ng gintong saya at mag-iiwan ng mga ginintuang aral.
Bibida aniyang muli ang mga kwento ng ating lahi kaalinsabay ng ika-50 taong anibersaryo ng Metro Manila Film Festival na bahagi na ng buhay at kultura ng mga Pilipino.
Kaya paanyaya ng Pangulo na isama ang buong pamilya, buong barkada, at panoorin ang 10 pelikula na handog ng MMFF. | ulat ni Alvin Baltazar
