Sugatan ang isang motor rider matapos mabangga ng isang kotse sa Marcos Highway sa Brgy. Dela Paz sa Pasig City
Nakabulagta pa ngayon ang lalaking motor rider na tumilapon matapos ang aksidente at kasalukuyan nang nirespondehan ng Pasig City Rescue
Ayon sa tauhan ng Barangay na rumesponde, nangyari ang aksidente mag a alas 7 ng umaga.
Nabatid na paliko ang kotse papasok ng gasolinahan nang mabangga nito ang motorsiklo na kasabayan
Kwento naman ng driver, nag-signal sya bago lumiko pero mabilis ang patakbo ng rider
Sa ngayon, dumating na ang ambulansya para dalin sa pinakamalapit na ospital ang rider.
Nagdulot naman ng bahagyang pagbagal sa trapiko ang aksidente. | ulat ni Jaymark Dagala
