Idineklara nang fire out ang sunog sa isang bahagi ng Grand Emerald Tower, Ortigas Center, Pasig City.
Ayon kay Pasig City Fire Marshal Superintendent Chris Angot, nagsimula ang sunog kaninang alas-3:09 ng hapon.
Agad namang rumesponde ang mga bumbero at gumana rin ang sprinkler system ng naturang gusali.
Wala namang naiulat na nasawi o nasugatan habang patuloy pang inaalam ang dahilan ng sunog. | ulat ni Diane Lear
