Nananatiling nakaalerto ang Philippine Institute of Volcanology and Seismology (PHIVOLCS) sa aktibidad ng Mt. Kanlaon sa Negros matapos makapagtala ng mataas na lebel ng mga pagyanig o volcanic earthquakes.
Batay sa update ng PHIVOLCS, umabot sa 37 volcanic earthquake o pagyanig ang naitala sa bulkan sa nakalipas na 24-oras.
Nagpapatuloy rin ang makapal at walang patid na pagsingaw sa bulkan na umabot ng 500 metro ang taas.
Habang nasa 3,639 tonelada rin ang inilabas nitong sulfur dioxide flux.
Sa ngayon, nasa ilalim pa rin ng Alert Level 3 ang Bulkang Kanlaon. | ulat ni Merry Ann Bastasa
