Balik na ang bentahan ng murang bigas sa National Irrigation Administration (NIA) Central Office ngayong araw.
Sa abiso ng NIA, 2,000 bags ng Bagong Bayaning Magsasaka (BBM) Rice ang muling ibebenta sa abot-kayang halaga na ₱29 kada kilo, pati na rin sariwang gulay, prutas, at iba pang produktong lokal mula sa ating mga magsasaka.
Bukas ang bentahan mula alas-8 ng umaga hanggang alas-12 ng tanghali sa DCIEC Parking Area, NIA Central Office
Kaugnay nito, nagpaalala ang NIA na ang BBM Rice ay eksklusibo lamang para sa mga senior citizens, solo parents, PWDs, at 4Ps beneficiaries (isang bag bawat kwalipikado). | ulat ni Merry Ann Bastasa
