Pinagbabaklas na ng Metro Manila Development Authority (MMDA) ang mga nakahambalang na stalls at nakaparadang sasakyan sa mga kalye na dadaanan ng andas para sa Pista ng Quiapo.
Ayon kay MMDA General Manager Popoy Lipana, sinimulan na nila kaninang umaga ang paglilinis sa mga kalsada.
Ito ay upang matiyak na walang magiging sagabal sa mga deboto na magtutungo sa Quiapo Church habang papalapit ang araw ng Nuestra Senor Jesus Nazareno.
Samantala, humingi naman ng paumanhin si Manila Mayor Honey Lacuna Pangan sa pagkakaantala ng paghahakot ng mga basura sa Lungsod.
Ito ay dahil magpalit sila ng kontraktor ng paghahakot ng basura. Pero kasalukuyang nakahakot na daw ang 80 truck para kolektahin ang mga basura sa buong Maynila. | ulat ni Michael Rogas
