Nakikiisa ang Department of Agriculture (DA) sa pagdadalamhati sa pagpanaw ni Undersecretary for Livestock Deogracias Victor “DV” Savellano.
Sa isang pahayag, nagpaabot ng pakikiramay ang kagawaran sa mga naulilang mahal sa buhay ng opisyal.
Naitalaga bilang Undersecretary for Livestock si Usec. DV noong 2023.
Ayon sa DA, hindi matatawaran ang naging malaking papel ni Usec. DV sa pagpapaangat sa sektor ng agrikultura lalo na sa pagsusulong ng industriya ng livestock.
Naging instrumento rin ito sa pagsusulong ng mga inisyatibang nagpapataas ng produksyon at food security.
Bilang pagkilala naman sa legasiya ni Usec. DV, ibinaba na sa half-mast ang watawat ng Pilipinas sa Main Building ng Department of Agriculture. | ulat ni Merry Ann Bastasa
