Umiiral pa rin ang heightened security alert sa MRT-3 para sa holiday rush.
Ayon sa pamunuan ng tren, ngayong Biyernes, January 3, ang huling araw ng implementasyon ng Heightened Alert kung saan may mga naka-deploy pa ring security personnel para umagapay sa mga pasaherong nagsisibalikan sa kanilang trabaho matapos ang holiday season.
Tuloy-tuloy rin ang paglilibot ng mga K-9 units sa mga istasyon, habang mayroon ding Police Assistance Desks na maaaring lapitan para sa anumang security concern.
Samantala, simula kahapon ay regular revenue hours na ang ipinatutupad sa MRT-3 kung saan ang unang biyahe ng tren ay 4:30 am mula sa North Avenue Station at 5:05 am naman sa Taft Avenue Station.
Ang huling biyahe naman ng tren ay 9:30 pm sa North Avenue Station at 10:09 pm naman sa Taft Avenue Station. | ulat ni Merry Ann Bastasa
📸 DOTr-MRT3
