Tinatayang pasok sa target range ng economic manager ang inflation ngayong taon base sa pagtaya ng ASEAN +3 Macroeconomics Research Office o AMRO.
Dahil dito, nakikita rin ang patuloy na pagluwag ng monetary policy cycle ng Bangko Sentral ng Pilipinas.
Ayon kay AMRO Senior Economist Andrew Tsang, nakikita nilang steady lang ang inflation ng Pilipinas, bunsod na rin ng moderation ng global commodity prices at ipinatutupad ng gobyerno na tariff cut sa imported na bigas.
Nasa pagitan ng 2-4% at average na 3.2% ang nakikitang inflation ng AMRO para sa taong 2025, habang ang BSP naman ay nasa 3.3%.
Una nang sinabi ni BSP Gov. Eli Remolona ang Risk-To-Inflation Outlook ngayong 2025 at taong 2026 ay nakikitang nasa Upside Risk. | ulat ni Melany Reyes
