Hinikayat ngayon ni Cagayan de Oro City Representative Rufus Rodriguez ang Kamara na i-recall o bawiin ang pag-apruba nito sa panukalang Adolescent Pregnancy Prevention Bill.
Binigyang-diin ni Rodriguez na dapat ibalik sa komite ang naaprubahang panukala noong September 5, 2023 at magsagawa ng dagdag na mga pagdinig upang matiyak na naaayon ito sa Saligang Batas at Family Code.
Ilan aniya sa mga nilabag na probisyon ng panukala ang Article 15 Section 2 Paragraph 1 at Section 3 Paragraph 4 ng Saligang Batas at Articles 209 at 220 ng Family Code.
“Many provisions of the bill aim to institutionalize Comprehensive Adolescent Sexuality Education (CASE), which is a different and separate subject matter from adolescent pregnancy. This is violative of Article IV, Section 26, Paragraph (1) of the Constitution. Every bill passed by Congress shall embrace only one subject matter which shall be expressed in the title thereof,” ani Rodriguez.
Deceptive o mapanlinlang din aniya ang title ng panukalang batas na nagsasabai na para ito pigilan ang paglaganap ng teeanage pregnancy ngunit kung babasahin ang laman ay pagsasabatas ng CASE o Comprehensive Sexual Education.
Punto pa ng mambabatas, inaalis nito ang “natural right and duty” ng mga magulang sa kanilang unemancipated na mga anak na sila ay alagaan at gabayan.
“It has been alleged that CASE will result in undermining parental authority, early sexualization, promoting risky behaviors, contradicting constitutional values, failing to establish abstinence, introducing age-inappropriate content, and promotion of homosexuality/bisexuality,” dagdag pa ng kinatawan. | ulat ni Kathleen Jean Forbes
