Photo Courtesy by DOH Eastern Visayas
Naiturn-over na ng Department of Health (DOH) Eastern Visayas ang pinaka-unang river ambulance sa Bayan ng Maslog, Eastern Samar nitong Miyerkules, ika-8 ng Enero, 2025.
Idinesenyo ang naturang pasilidad upang gawing mas madali ang transportasyon o hospital referral ng mga residente na nangangailangan ng agarang atensyong medikal.
Matatandaang malaking hamon para sa mga residente ang halos apat (4) na oras na biyahe ng pagdadala ng pasyente patungo sa karatig-bayan nitong mga nakaraang taon na naging mitsa ng paghahandog ng river ambulance upang makatulong lalo na sa mga liblib na lugar.
Opisyal na isinagawa ang seremonya kasama sina EVCHD Regional Director Exuperia B. Sabalberino, kasama sina Maslog Municipal Vice Mayor Hon. Septemio C. Santiago, at Municipal Health Officer Dr., Dr. Mennie P. Cabacang.
Samantala, kasama naman sa naipamahagi ng ahensya ang ilang kagamitan tulad ng wheelchairs, canes, crutches, at iba pang assistive devices para sa ating mga senior citizens.
Labis naman ang pasasalamat ng lokal na pamahalaan ng Maslog at nang Sangguniang Bayan sa hakbang na ito ng ahensya na inaasahang malaking tulong sa kanilang bayan | ulat ni Rigie Malinao
