Nagpasalamat si Senador Joel Villaneuva sa pagsuporta sa panawagan na tutulan ang Senate Bill 1979 o ang Prevention of Adolescent Pregnancy Bill.
Para sa senador, hindi nabalewala ang pagpapahayag ng mariing pagtutol ng mga magulang at ng iba’t ibang grupo sa naturang panukala.
Binigyang diin ni Villanueva na bagama’t may pangangailangan na tugunan ang tumataas na kaso ng teenage pregnancy sa bansa, hindi naman aniya dapat maging kapalit nito ang pagiging inosente ng mga kabataan at hindi dapat makakasira sa kanilang kalusugan, pag-aaral, at moral.
Nanawagan rin ang senador sa mga kapwa mambabatas sa senado at kamara na maging mapagmatyag sa panukalang ito.
“Lubos po tayong nagpapasalamat kay Pangulong Bongbong Marcos sa pagsuporta sa ating panawagan laban sa makabudol na Mandatory Comprehensive Sexuality Education (CSE) na nakapaloob sa Senate Bill No. 1979 o ang Preventing Adolescent Pregnancy Act… While we agree that there is a need to address the rising cases of adolescent pregnancy in the country, it should not be at the expense of our children’s innocence and should not be detrimental to their health, studies, and morals. Let us also be reminded of the importance of families as stated in our Constitution which recognizes the natural and primary right and duty of parents to rear their children. Nananawagan po tayo sa ating mga kasamahan sa Senado at maging sa House of Representatives na maging mapagmatiyag at huwag basta basta magpapabudol sa panukalang ito.” | ulat ni Nimfa Asuncion
