Tiyaking ligtas ang pagdaraos ng Traslacion ng Poong Hesus Nazareno ngayong araw gayundin ay siguruhin ang mapayapang pagsisimula ng panahon ng halalan. Ilan lang ito sa mga tagubilin ni Philippine National Police (PNP) Chief, PGen. Rommel Francisco Marbil sa mga opisyal nito matapos pangunahan ang kanilang kauna-unahang Command Conference para sa taong 2025
Isinagawa ang naturang pagpupulong matapos ang kanilang New Year’s Call kasama si Department of the Interior and Local Government (DILG) Secretary Jonvic Remulla sa Kampo Crame kahapon.
Binigyang-diin ni Marbil na dapat maging laging handa ang PNP na panatilihin ang seguridad at kaligtasan ng publiko lalo pa aniya’t haharap ang bansa sa kritikal na mga sandali.
Bukod dito, tinalakay din sa Command Conference ang ipatutupad na bagong Organizational Structure at Staffing alinsunod na rin sa atas ng DILG. | ulat ni Jaymark Dagala
📸 PNP
