Inihayag ni Iloilo Rep. Lorenz Defensor na isang karangalan para sa kanila na makaharap si dating pangulong Rodrigo Duterte sa impeachment trial ni VP Sara Duterte.
Si Defensor ay kabilang sa labing isang mambabatas na napili upang maging impeachment prosecutors.
Sa isang panayam, sinabi ni Defensor na mataas ang kaniyang paggalang sa mga dating pangulo ng bansa at kabilang na dito ang dating pangulo.
Ito ang sagot ng mambabatas sa naging katanungan ng mga miyembro ng media sa kanilang opinion sakaling matuloy na maging legal counsel ni VP sara ang kanyang tatay.
Maaalalang unang inihayag ng dating pangulo na magsisilbi siyang abogado ng kanyang anak.
Umaasa ang Iloilo solon na magiging patas na ang mangyayaring impeachment trial sa pangalawang pangulo. | ulat ni Melany Reyes