Inilunsad ng Department of Migrant Workers (DMW) ang Overseas Mega Jobs Fair para sa mga kababaihan ngayong araw bilang bahagi ng pagdiriwang ng 2025 National Women’s Month.
Ayon sa DMW, mahigit 3,000 overseas job opportunities ang iaalok ng 13 licensed recruitment agencies na kalahok sa nasabing jobs fair.
Nagsimula ang aktibidad ng alas-10 ng umaga hanggang 4:00 PM sa 3rd floor ng Robinsons Galleria sa Quezon City.
Kabilang sa mga trabahong iaalok ay sa sektor ng healthcare, engineering at construction, hospitality, farming, at maging sa managerial positions.
Paalala naman ng DMW sa mga interesadong aplikante na kailangang mag-pre-register sa jobfairportal.dmw.gov.ph bago dumalo sa aktibidad. Pagkatapos ay makakatanggap ng QR code o Job Fair pass ang mga rehistradong aplikante na kailangang ipakita sa registration booth. | ulat ni Diane Lear
