Pinangunahan ni Dr. Gerardo Legaspi, Director ng Philippine General Hospital (PGH), ang ika-5 taon mula nang maideklara ang PGH bilang COVID-19 referral center.
Sinabi ni Dr. Legaspi, na umusad man ang mga taon ay hindi dapat kalimutan ang aral na iniwan ng naranasang pandemya.
Nagbalik-tanaw rin si Dr. Jonas Del Rosario sa hamong kinaharap niya nang tamaan ng sakit, na naging dahilan din ng pagkamatay ng kanyang mga magulang.
Diin ni Del Rosario, na ang pagiging COVID survivor ay hindi lamang ang paggaling sa sakit kung hindi maging ang hindi pagsuko at patuloy na pag-usad sa buhay.
Muli rin inalay ni Dr Del Rosario ang kanyang bersyon ng awitin ng The Carpenters bilang paalala sa lahat sa pag-iingat sa sakit.
Samantala, dalawang modelo ang pagpipilian naman ng mga kawani ng PGH, na magsisilbing memorial sa mahalagang papel na ginampanan ng pagamutan sa pagtugon sa COVID-19 lalo na ang mga seryosong tinamaan ng naturang sakit. | ulat ni Lorenz Tanjoco
