Binigyang kapangyarihan ng House Prosecution panel na pangunahan ni House Minority Leader Marcelino Libanan ang prosecution.
Sa pulong balitaan sa Kamara, kinumpirma ni 1-Rider Party-list Representative Rodge Gutierrez na nagkasundo silang 10 prosecutors na bilang senior member ng prosecution, ay ibigay ang kapangyarihan kay Libanan na gampanan ang mga responsibilidad ng tulad sa isang lead prosecutor.
Kabilang na dito ang pag-execute ng verification sa mga petition, motion o pleading ng prosecution; pumirma at maghain ng motion at pleading para sa prosekusyon; at ipatupad ang lahat ng mga dokumento at iba pang hakbang patungkol sa mga dokumento para sa impeachment case ni VP Sara Duterte.
“We have submitted the letter, the prosecutor signed by the other 10 prosecutors including myself that we have appointed, constituted, and empowered the most senior member of the public prosecutors the Honorable Marcelino C. Libanan to perform the following acts on behalf of all public prosecutors in the VP Deterity Impeachment case…So, although it is not yet formal, in effect, ito pa yung tinatawag natin na lead prosecutor,” paliwanag ni Gutierrez.
Kasamang inihain nina Libanan at Gutierrez ang motion to issue summons para hingin kay Senate President Chiz Escudero bilang presiding officer ng Impeachment Court na hilingin kay VP Duterte na sumagot sa kaniyang impeachment complaint.
Sabi niya, nakahanda na ang naturang dokumento ngunit hindi agad isinumite sa Senado dahil nga naka-break ang Kongreso.
Ngunit dahil nakapagsagawa naman anila ng hearing ang Senado, at higit na mas mahalaga ang impeachment ay hiniling nilang maumpisahan na ang proseso.
Sabi pa ni Libanan, hindi pa naman na amyendahan ang Senate Rules of Procedure on Impeachment Trials kaya’t umiiral pa ito.
At nakasaad aniya dito na oras na matanggap ang rules of impeachment ay kailangan simulan ang proseso forthwith.
“Ayon po sa rules of impeachment ng Senado na kapag mayroon nai-file sa senado na impeachment complaint, the senate shall start the proceeding forthwith, simulant agad. Without delay, right away. So kahit ano pong ginagawa natin dahil napakahalaga po nito ay kailangan gumulong ang impeachment,” diin ni Libanan. | ulat ni Diane Lear
