Iniutos na ni Land Transportation Office (LTO) Chief Assistant Secretary Vigor Mendoza II ang agarang pag-iisyu ng 11.8 milyong motor plates sa susunod na apat hanggang limang buwan.
Isa ito sa tinalakay ng LTO chief sa isinagawang seminar sa Plate and Registration Management Information System (PRMIS).
Alinsunod na rin ito sa direktiba ni Transportation Secretary Vince Dizon na pabilisin ang pag-isyu ng mga plaka.
Dinaluhan ang naturang seminar ng mga pangunahing opisyal at tauhan ng ahensya na layong mapahusay ang proseso ng pagpaparehistro ng sasakyan at paglabas ng mga plaka.
Binigyang-diin din ni LTO Chief Asec. Atty. Mendoza ang kahalagahan ng PRMIS para mas maging sistematiko at transparent ang sistema ng pagpaparehistro.
Sa tulong nito, inaasahang mapapabilis ang pag-isyu ng mga plaka para sa bagong biling mga sasakyan, bilang bahagi ng pangako ng ahensya na magbigay ng mas mabilis na serbisyo sa publiko. | ulat ni Merry Ann Bastasa
