Iginiit ni PCG Spokesperson on the West Philippine Sea Commodore Jay Tarriela na hindi sila titigil sa paglaban sa fake news patungkol sa West Philippine Sea.
Sa pagdinig ng Tri Committee ibinunyag ang bagong naratibo ng pinapakalat sa social media kung saan sinasabing bahagi ng China ang Palawan.
Ani Tarriela agad itong itinama ng gobyerno sa pamamagitan ng National Historical Commission.
Sa kasalukuyan nakikipagtulugnan aniya ang Philippine Coast Guard West Philippine Sea Transparency Group sa Philippine Information Agency o PIA para laban ang naturang mga pekeng balita at makipag-ugnayan sa META o social media platform para i-take down ang naturang mga post.
“We relay our concerns to the Philippine Information Agency the PIA which is also under the PCO and since PIA has established connection with META that’s the only time that we can wait for any response whether it will be taken down or we have to wait for or we have to provide for additional information to be taken down by META.” Paliwanag ni Tarriela
Aminado si Tarriela na bahagi ng nagbabagong papel ng PCG ngayon ang paglaban sa fake news na banta sa ating soberanya.
Mahalaga aniya ang transparency initiative na ito upang mabigyan ng tamang impormasyon ang mga Pilipino, lalo na ang mga kabataan upang hindi sila mabiktima ng fake news.
“the only way that we can be more successful in creating awareness and write information to the Filipino people is also to safeguard the spread of fake news…as what Justice Carpio said, our fight in the West Philippine Sea is intergenerational it is important for the younger generation especially to understand our fight in the West Philippine Sea that’s why our fight for fake news and misinformation is very important for us to sustain our fight for sovereignty,” diin ni Tarriela. | ulat ni Kathleen Jean Forbes
