Anim na beses na nagbuga ng abo ang Bulkang Kanlaon sa Negros sa nakalipas na 24 oras ayon sa monitoring ng PHIVOLCS.
Ayon sa PHIVOLCS, tumagal ng siyam hanggang 122 minuto ang naitalang aktibidad.
Naiulat din ang 23 volcanic earthquakes sa bulkan kabilang ang siyam na volcanic tremors na tumagal ng dalawa hanggang 15 minuto.
Nagpapatuloy din ang katamtaman at walang patid na pagsingaw sa bulkan na umabot ng 500 metro ang taas.
Habang nasa 1,283 tonelada rin ang inilabas nitong sulfur dioxide flux.
Sa ngayon, nasa ilalim pa rin ng Alert Level 3 ang Bulkang Kanlaon. | ulat ni Merry Ann Bastasa
