Inaasahang magpapatuloy ang mataas na antas ng heat index sa ilang lugar sa bansa ngayong araw, April 2.
Batay sa heat index forecast ng PAGASA, posibleng pumalo sa hanggang 43°C ang pinakamataas na heat index ngayong araw sa bahagi ng Dagupan City sa Pangasinan.
Hanggang 42°C heat index din ang posibleng maramdaman sa Iba, Zambales at Virac, Catanduanes.
Nasa danger category pa rin ito kung saan maaaring mauwi sa heat cramps at heat exhaustion ang matagal na exposure sa araw ng isang indibidwal.
Habang sa Metro Manila ay posibleng umabot sa 36-40°C ang heat index. | ulat ni Merry Ann Bastasa
