Nakatakdang mag-remit ng P5.2 bilyong dividends ang Philippine Ports Authority (PPA) sa national treasury para sa 2024, mas mataas sa P5.06 bilyon noong 2023.
Ayon sa PPA, ang remittance ay 54% ng net earnings ng ahensya batay sa 2024 Unaudited Financial Statements.
Patuloy ding lumalago ang kita ng PPA na umabot sa P27.64 bilyon noong 2024, 8.61% na mas mataas kumpara noong 2023.
Target ng PPA sa 2025 ang pagtatapos ng mga proyekto sa Salomague Port sa Ilocos Sur, San Andres Port sa Catanduanes, Banago Port sa Negros Occidental, at Balingoan Port sa Cagayan de Oro.
May nakalinyang cruise ship ports din sa Coron, Palawan; Buruanga, Aklan; at Mambajao, Camiguin.
Lumago rin ang container traffic sa 7.82 million TEUs, cargo throughput sa 289.52 million metric tons, at ship calls sa 621,807 noong 2024. | ulat ni Lorenz Tanjoco
