Nagiging pahirapan na ang sitwasyon sa Myanmar at Thailand dahil sa pagtama ng 7.7 magnitude na lindol.
Ayon kay Foreign Affairs Undersecretary Eduardo De Vega, patuloy na ang ginagawang search and rescue operation dahil sa patuloy na aftershocks sa Myanmar.
Dagdag pa ni De Vega, patuloy ang kanilang koordinasyon sa dalawang bansa na tinamaan ng lindol, maging sa mga embahada, upang masiguro ang kaligtasan ng ating mga kababayan.
Kaugnay nito, nag-umpisa na ang Philippine contingent team sa paghahanap sa apat na Pinoy na nawawala.
Sa huli, muling siniguro ng DFA na patuloy ang kanilang mga ginagawang pamamaraan upang matiyak ang kaligtasan ng mga OFWs sa Myanmar at Thailand. | ulat ni AJ Ignacio
