Pormal nang nagsimula ang ASEAN Women, Peace and Security (WPS) Conference 2026 sa Pilipinas, na naglalayong palakasin ang regional cooperation at gawing konkreto ang mga aksyon para sa commitment sa Women, Peace and Security agenda.
Sa kanyang opening remarks, sinabi ni Presidential Adviser on Peace, Reconciliation and Unity (OPAPRU) Secretary Mel Senen Sarmiento na isinusulong ng pamahalaan ang isang executive order para sa localization ng National Action Plan on Women, Peace and Security, kabilang ang pag-integrate nito sa local planning, budgeting at peacebuilding.
“This is why we’re pursuing an executive order to institutionalize the localization of our national action plan on women peace and security.” -Sec. Mel Senen Sarmiento, OPAPRU
Iginiit naman ni Philippine Commission on Women (PCW) Chairperson Ermelita Valdeavilla na hindi sapat ang mga deklarasyon at polisiya kung hindi ito naisasalin sa aktuwal na resulta, lalo na sa mga komunidad.
“Declarations and policies do not keep the peace. Leaders like us do, if we do our work well.” -Ermelita Valdeavilla, PCW Chairperson
Samantala, binigyang-diin ni DFA Undersecretary Maria Theresa Dizon-De Vega na mahalaga ang makabuluhang partisipasyon ng kababaihan sa peacebuilding at development initiatives.
“The meaningful participation of women is integral to the country’s peace building and development initiatives.” -Usec. Maria Theresa Dizon-De Vega, DFA
Layunin ng tatlong araw na kumperensya na bumuo ng mga rekomendasyon para palakasin ang women, peace and security efforts sa ASEAN at maisulong ang mas inklusibo at gender-responsive na regional security architecture.
About the Author
