Wala pang paggalaw sa presyo ng ibinebentang lechon sa bahagi ng La Loma sa Quezon City sa pagpasok ng buwan ng Disyembre.
Ayon kay Mang Jonjon, staff ng Mang Tony’s Lechon House dito sa La Loma, nananatili pa rin ang presyuhan nila sa lechon na mabibili sa:
₱6,500 – 5-6kgs
₱8,000 – 8-10 kgs
₱12,000 – 11-12kgs
Mayroon ding available na tingi ng lechon na mabibili sa ₱1,200 kada kilo.
Umaasa naman ang mga maglelechon na tumaas pa ang demand sa lechon sa mga susunod na linggo sa pagsisimula na rin ng kaliwa’t kanang Christmas parties.
Sa ngayon kasi ay matumal pa aniya ang bentahan.
Nananatili ring hamon sa mga nagle-lechon ang suplay ng baboy dahil sa African Swine Fever (ASF).
Pagdating sa presyo, posible naman aniyang sa ikalawang linggo pa ng Disyembre magsimulang sumipa ang presyo ng lechon sa La Loma, QC. | ulat ni Merry Ann Bastasa
