Positibo si Energy Secretary Raphael Lotilla na malaki ang maiaambag ng naging Memorandum of Understanding (MOU) ng ating bansa sa United Arab Emirates (UAE) para sa pagpapalakas ng ugnayan ng dalawang bansa sa sektor ng enerhiya.
Aniya, isang malaking kapakinabangan ito lalo na’t isa ang naturang bansa sa may pinakamalaking pinagkukunan ng enerhiya sa buong mundo.
Dagdag pa ng kalihim, kabilang sa naturang MOU ay ang joint cooperation mula sa renewable energy Liquified Natural Gas power generation transmission, at energy conservation and efficiency at joint cooperation sa nuclear energy.
Sa huli, muli namang siniguro ng DOE na malaki ang magiging kapakinabangan ito sa ating bansa, at mas mararamdaman ito ng bawat mamayang Pilipino. | ulat ni AJ Ignacio
