Mas inilapit pa ng Department of Agriculture (DA) ang bentahan ng murang bigas sa publiko sa pamamagitan ng “Rice-for-All” program.
Kasunod ito ng anunsyo ng DA na ₱40 na kada kilong bigas na ibebenta sa dalawang MRT at LRT stations at limang malalaking palengke sa Metro Manila.
Kabilang dito ang mga ss:
Guadalupe Public Market, Kamuning Market, Malabon Central Market, New Las Piñas City Public Market, at Pasay City Public Market.
Magkakaroon din ng bentahan sa MRT North Avenue Station at LRT 1 Monumento Station.
Paliwanag ni DA Consumer Affairs Assistant Secretary Genevieve Velicaria-Guevarra, sisimulan agad bukas, December 5 ang bentahan ng murang bigas.
Kailangan lang aniyang hanapin ang Kadiwa ng Pangulo rice kiosk na bukas mula amartes hanggang Sabado, alas-8 ng umaga hanggang alas-5 ng hapon. | ulat ni Merry Ann Bastasa
