Naniniwala ang Department Agriculture na makatutulong ang pagbubukas ng Kadiwa ng Pangulo kiosk sa mga palengke para mahatak papaba ang inflation sa bansa.
Ayon kay DA Spokesperson Asec. Arnel de Mesa, tuloy tuloy na rin naman ang pagbaba ng presyo ng bigas sa merkado
Inihalimbawa nito ang mga rice retailer sa Kamuning market na kinaya na ring makipagsabayan sa ₱40 kada kilong bigas na alok ng DA.
Sa ulat ng PSA, bumaba pa sa 5.1% ang rice inflation nitong Nobyembre mula sa 9.6% noong Oktubre.
Ayon din kay PSA National Statistician at Usec. Claire Dennis Mapa, pababa na rin ang trend ng rice inflation sa bansa mula pa noong Enero.
Inaasahan din ng PSA na patuloy na bababa ang rice inflation kahit sa buwan ng Disyembre. | ulat ni Merry Ann Bastasa
