Personal na tinututukan ni Pangulong Ferdinand R. Marcos Jr. ang ginagawang pagbusisi sa lalamanin ng 2025 National Budget.
Ngayong araw, ipinatawag ng Pangulo sa Malacañan ang economic managers ng pamahalaan, upang masiguro na nakalinya sa development priorities ng administrasyon ang lalamanin ng pondo para sa susunod na taon.
Kasama sa pulong sina Executive Secretary Bersamin, DOF Secretary Ralph Recto, DBM Secretary Amenah Pangandaman, DPWH Secretary Manuel Bonoan, at NEDA Secretary Arsenio Balisacan.
Una nang sinabi ng Palasyo, na ivi-veto ng Pangulo ang ilang probisyon ng higit P6.3 trillion na pondo, upang masiguro na naaayon sa batas ang bawat probisyon nito.
Hindi rin matutuloy sa December 20 ang paglagda sa General Appropriations Act (GAA), upang mabigyan ng sapat pang panahon ang masusing review sa 2025 budget. | ulat ni Racquel Bayan
