Nagpapatuloy pa rin ang naitatalang pagyanig o volcanic earthquakes ng PHIVOLCS sa Mt. Kanlaon sa Negros.
Batay sa update ng PHIVOLCS, mayroong 15 volcanic earthquakes o pagyanig na naitala sa bulkan sa nakalipas na 24 na oras.
Nasa 7,198 tonelada rin ng asupre o sulfur dioxide ang ibinuga ng bulkan.
Maging ang pamamaga ng bulkan ay nagpapatuloy.
Sa kasalukuyan, nakataas pa rin ang Alert Level 3 sa bulkan kung saan pinalilikas ang mga nakapaloob sa 6-kilometer radius mula sa tuktok ng bulkan. | ulat ni Marry Ann Bastasa
