Nag-abiso na ang Quezon City Local Government sa iskedyul ng biyahe ng Q City Bus ngayong holiday season.
Batay sa inilabas nitong bus service advisory, walang biyahe ang Q City Bus ngayong bisperas ng Pasko, December 24, Dececember 30 na isang regular holiday, at sa January 1, 2025.
May biyahe naman ang Q City Bus sa araw ng Pasko, December 25 at sa bisperas ng Bagong Taon sa December 31 na may tig-30 minutong interval.
Magkakaroon din ng special trip mula 8:30 PM ng December 31, 2024 hanggang 2:00 AM ng January 1, 2025.
Magbabalik ang regular na operasyon ng Q City Bus Service sa January 2, 2025. | ulat ni Merry Ann Bastasa
