May paalala sa publiko ang Quezon City Red Cross para maging handa at ligtas bago magpunta sa Traslacion sa Quiapo, Maynila lalo na bukas.
Payo ng QC Red Cross sa mga residente na tiyaking nakasara ang pintuan at mga bintana ng bahay bago umalis.
Ilan pa sa kanilang dapat gawin ang pagsusuot ng komportableng kasuotan para sa mahabang paglalakad.
Magdala din ng sapat na pagkain at inuming tubig at ihanda ang sarili para sa mahabang oras ng Traslacion.
Higit sa lahat, pinayuhan ang publiko na mag-download ng First Aid-IFRC app.
Sa pamamagitan nito makakakuha agad ng instant access para sa mga impormasyon na kinakailangan upang malaman ang pinakakaraniwang First Aid emergencies. | ulat ni Rey Ferrer
