Nagkasa ang Philippine Red Cross – Malabon Chapter ng kauna-unahang golf tournament upang mangalap ng pondo.
Ito ay tinawag na “Swing for Humanity” na ginanap sa EastRidge Golf and Country Club sa Binangonan, Rizal na nagsilbing oportunidad para sa golf enthusiasts upang maging bahagi ng humanitarian mission.
Ayon sa PRC, sa pamamagitan ng ganitong aktibidad ay napapanatili ang operasyon ng Chapters lalo na sa panahon ng kalamidad at emergency.
Pinuri ni Red Cross Chairman Richard Gordon ang Malabon Chapter dahil sa pagiging malikhain nang i-organisa ang gold tournament na nagbibigay ng tsansa sa publiko na lumahok sa humanitarian activities.
Nagpakita ng suporta ang local stakeholders sa PRC sa pamamagitan ng partisipasyon at donasyon.
Si PRC Malabon Chapter Board of Directors Chairman Ricky Sandoval ang nanguna sa pagpaplano at execution ng fundraiser na pinasalamatan din ni Secretary General Dr. Gwen Pang.| ulat ni Hajji Kaamiño
