Good News dahil magpapatupad ng bigtime rollback sa presyo ng kanilang Liquified Petroleum Gas (LPG) ang iba’t ibang oil companies simula sa unang araw ng Hunyo.
Epektibo alas-12:01 ng hatinggabi ang ipatutupad ang mahigit Php 6.00 rollback ng mga kumpaniyang Petron at Phoenix sa kanilang LPG.
Php 6.20 ang rollback ng Petron sa kada kilo ng LPG o katumbas ng Php 68.20 sa bawat 11 kilogram cylinder ng kanilang Gasul.
Ang Phoenix LPG naman ay may Php 6.10 na rollback o katumbas ng Php 67.11 kada 11 kilos na tangke nito.
Ang Caltex, may Php 6.18 na rollback para sa kanilang Solane o katumbas ng Php 67.98 sa kada tangke epektibo ala-6 ng umaga sa unang araw din ng buwan.
Kasunod nito, mayroon namang Php 3.47 na rollback sa kada litro ng Auto LPG ang mga kumpaniyang Petron at Phoenix.| ulat ni Jaymark Dagala
