Aabot sa 6,000 na mga bisita ang inaasahang dadagsa sa pagbabalik ng Summer Frolic Party sa Mati City, Davao Oriental ngayong darating na Hunyo 10 hanggang 11.
Inihayag ni Summer Frolic Focal Person Ralph Ryan Aquino na matapos ang pagkatigil ng nasabing Summer Party ng ilang taon bunsod ng COVID-19 pandemic, inaasahan na dadagsain ito ng mga Partygoers hindi lang mula sa Davao Region kung hindi maging sa ibang panig ng bansa para makisaya.
Ayon kay Aquino, sa pagbabalik ng nasabing event, mas pinalaki ang nasabing party kung saan hindi lang mga local artist ang kanilang mga inimbita maging mga international DJ.
Dagdag nito na sa pagbabalik ng isa sa mga malalaking okasyon sa kanilang lungsod, inaasahan ang pagbabalik sigla ng turismo at ekonomiya sa Mati City. | ulat ni Armando Fenequito | RP1 Davao
