Aabot sa 3,760 kilograms ng expired na imported chicken drumsticks ang nakumpiska ng enforcement unit ng National Meat Inspection Service (NMIS)-NCR sa ikinasa nitong strike operation sa isang cold storage facility Southern Manila noong June 1.
Ayon sa NMIS, isinagawa ang raid matapos na makatanggap ito ng impormasyon kaugnay sa umano’y bentahan ng expired meat commodities online.
Sinabi rin ni NMIS-NCR Enforcement Unit Head Vener Santos na desidido silang panagutin ang trader ng naturang expired na imported chicken.
Kaugnay nito, nanawagan naman ang NMIS sa publiko na siguruhing ang kanilang mga nakakatransaksyong meat traders at vendors ay may sapat na mga dokumento gaya ng Certificate of Meat Inspection upang masiguro na ligtas at dumaan sa inspeksyon ang imported meat. | ulat ni Merry Ann Bastasa
