Nagpasalamat si AFP Visayas Command (VISCOM) Commander Lieutenant General Benedict Arevalo kay Vice President Sara Duterte sa ipinagkaloob niyang parangal sa VISCOM sa ‘Pasidungog’ 2023 nitong Lunes.
Ang parangal ay bilang pagkilala sa kontribusyon ng VISCOM sa bisyon ng Office of the Vice President (OVP) na makaliklha ng “lasting impact” sa buhay ng mga mamayan sa Visayas Region sa larangan ng Disaster Response Operations.
Sinabi ni Lt. Gen. Arevalo na ang pagkilala sa kanilang serbisyo ay nagsisilbing inspirasyon para lalung pagbutihin ang kanilang diaster response operations.
Matatandaang nitong nakalipas na bagyong Betty, maagang naghanda ang VISCOM sa pamamagitan ng pag-standby ng 122 Humanitarian and Disaster Response (HADR) Teams at 201 mobility assets.
Ang ‘Pasidungog’ 2023 ay inorganisa ng OVP para kilalanin ang iba’t ibang ahensya ng gubyerno, stakeholders at organisasyon sa pampublikong at pribadong sektor na nakatulong sa OVP sa paglilingkod sa mga mamayan. | ulat ni Leo Sarne
