Ipatutupad na simula bukas, Hunyo 19 ng Valenzuela City government ang mababang pasahe sa mga tricycle.
Sa anunsyo ng LGU, lahat ng mga tricycle na bumibiyahe sa lungsod ay ibababa na sa P10 ang minimum fare.
Ang pagbaba ng pasahe ay inaprobahan sa ginanap pulong ng Valenzuela City Transportation Office at mga kinatawan ng Tricycle Operators and Drivers’ Association.
Tinalakay ang adjustment ng pamasahe dahil sa pagbaba ng presyo ng gasolina.
Naglabas na rin ng bagong fare matrix ang LGU na ipinamahagi sa mga TODA officials at kailangang ipaskil sa loob ng tricycles. | ulat ni Rey Ferrer
