Abot na sa ₱10 milyong tulong pinansyal ang naipamahagi ng Department of Social Welfare and Development sa mga nagsilikas na pamilya sa lalawigan ng Albay.
Ayon sa DSWD, nagpapatuloy pa ang sabayang pamamahagi ng pinansyal na tulong ng field office 5 sa ilalim ng Assistance to Individuals in Crisis Situation(AICS).
Mula noong Sabado, nadagdagan pa ng 1,512 pamilyang evacuees ang nakatanggap ng ₱5,000 cash assistance mula sa ahensya.
Nagmula pa ang mga ito sa mga bayan ng Malilipot, Tabaco, Guinobatan, Camalig, at Daraga.
Karamihan sa mga benepisyaryo ay mula sa
sektor ng manggagawa, Persons With Disability (PWDs), magsasaka, senior citizens, mga buntis, at solo parents. | ulat ni Rey Ferrer
